Vətən Müharibəsində şəhid olan döyüşçülərimizdən biri mayor Anar Məmmədovdur. O, Tərtər, Füzuli, Hadrut, Xocavəndin Tuğ, Şuşanın Daşaltı kəndləri istiqamətində gedən döyüşlərdə iştirak edib, qəhrəmancasına vuruşaraq şəhidlik zirvəsinə yüksəlib.

Həyat yoldaşı Nəzirə xanımın atası da 1-ci Qarabağ müharibəsində şəhid olub.
Sonuncu görüşləri zamanı Nəzirə xanım ona deyib ki, "mən atasız həyat yaşamışam, amma qızlarım yaşamasın". O isə bir kəlmə ilə cavab verib: "Sən bacararsan. Mən sənə güvənirəm".

Allah Anara və bütün şəhidlərimizə rəhmət elədin. Biz onların şücaəti ilə fəxr edirik.